• |
ide | kryesore

Vetëvendosje: Prokuroria të ndjekë ata që keqpërdorën të dhënat personale dhe jo mediat

-Instant, Arkiva, Lajme, Të fundit

Lëvizja Vetëvendosje dega në Shqipëri ka reaguar për skandalin e SPAK që ka kërkuar sekuestrimin e serverëve dhe aseteve të Lapsi.al duke përdorur si justifikim mosdhënien e databazës së patronazhistëve të PS. Në një deklaratë për mediat Vetvendosje thotë se prokuroria duhet të vihej pas keqpërdoruesve të të dhënave personale, e jo pas mediave që denoncuan keqpërdorimin.


“Është tejet shqetësuese se, në mes të një skandali të madh siç është ai i mbledhjes dhe përdorimit të të dhënave personale pa pëlqimin e qindra mijëra qytetarëve, drejtësia shënjestron pikërisht denoncuesit. Kërkesat e Prokurorisë kundrejt medias “Lapsi.al” janë të papranueshme e të palejueshme. Botuesi nuk mund të cenohet për sa kohë që nuk ka shkelur asnjë parim, ligj apo normë vendase apo ndërkombëtare.


Prokuroria duhet të ishte duke u marrë me burimin e problemit, pra mbledhësin, përpiluesin përdoruesin dhe porositësin e atyre të dhënave, por assesi nuk duhet të ushtronte presion tek botuesi i lajmit që në fakt njoftoi publikun se të dhënat personale po zotërohen në mënyrë të paligjshme nga një subjekt politik.

Ne duhet ta kemi në Shqipëri sa më parë legjislacionin për mbrojtjen e burimeve të gazetarisë, ku saktësohet dhe paprekshmëria e mjeteve dhe e zyrave të mediave të licencuara, që ushtrojnë ligjërisht këtë profesion e mision.

Si dhe në Kodin tonë penal duhet të kufizohen kompetencat e prokurorisë lidhur me hetimet potenciale mbi publikimin e materialeve. Përjashto rastet kur në mënyrë të qartë, pa ekuivoke, botimi do të cenonte sekretin shtetëror të shpallur me vendim; të dhënat personale; do të rrezikonte jetën e dikujt apo do të ndalonte parandalimin e kryerjes së një krimi të rëndë.

Për çdo rast tjetër Prokuroria nuk ka çfarë kërkon në ambientet dhe mjetet e punës së një media të licencuar që ushtron profesionin sipas ligjeve në fuqi” – thuhet në deklaratën e Vetëvendosje. ©LAPSI.al

Lini një Përgjigje

Adresa juaj email s’do të bëhet publike.

Kthehu