Pas sulmeve të përgjakshme të së dielës që paraprinë një jave tjetër terrori, Izrael ka vijuar me sulmet ajrore në Rripin e Gazës. Kryeministri Benjamin Netanyahu ishte shumë i vendosur ditën e hënë kur tha se sulmet në territoret palestineze do të vijonin. Kështu, të tjera shpërthime kanë tronditur qytetin e Gazës, teksa luftëtarë izraelitë janë hedhur në mësymje të shtëpive, klinikave dhe godinave qeveritare në Gaza.
Lexo edhe: Rreth 30 sulme ajrore gjatë natës në Gaza, shkatërrohet laboratorin i testeve kundër Covid-19
Nga radhët e Palestinës numërohen të paktën 212 viktima, duke përfshirë 61 fëmijë, që nga nisja e luftimeve afro një javë më parë. Ndërkohë 1500 persona raportohen të plagosur. Nga ana tjetër, Izraeli numëron 10 humbje jete që pas rinisjes së konfliktit.