Pas 11 ditësh luftë me Hamasin që la mbi 200 viktima dhe mijëra të plagosur Izraeli vendosi që të pranonte një armëpushim në Rripin e Gazës. Egjipti është vendi që ndërmjetësoi për të arritur marrëveshjen e armëpushimit. Detajet e kësaj marrëveshjeje ende nuk janë publikuar.
Një zyrtar i Hamasit tha se armëpushimi me Izraelin do të fillonte të Premten në 02:00. Të dy palët intensifikuan sulmet në 24 orët e fundit në pritje të armëpushimit. Zyrtarët shëndetësorë të Gazës thanë se të paktën 232 palestinezë janë vrarë që nga fillimi i konfliktit, duke përfshirë 65 fëmijë, ndërsa në Izrael janë 12 personat që humbën jetën.