Pirelli mbetet përkrah Interit por me një rol të ri. Duke filluar nga sezoni tjetër, dhe deri në kampionatin 2023/2024, shoqëria do të bëhet Global Tire Partner pasi ka qenë me fanellën e zikaltërve për 26 vjet. “Sezonet e kaluara së bashku dhe ato në të ardhmen, e bëjnë këtë partneritet një nga më jetëgjatët në botën e futbollit. Marrëdhënia e re është dëshmi e besimit të ndërsjellë midis Pirelli dhe Inter, e ndërtuar për shumë vite me një pasion të përbashkët”, shkruan deklarata e klubit zikaltër.
“Edhe në rolin e ri, që merr parasysh nevojat e lidhura me një strategji të korporatës që përcakton përparësitë e reja të investimeve në lidhje me segmentet e tregut, audiencat dhe vendet”, vijon njoftimi për shtyp, “Pirelli do të vazhdojë të ushqejë vlerat e përbashkëta që e lidhin atë me Interin dhe për të rritur markën dhe produktet e tyre falë bashkëpunimit me skuadrën”. Partneriteti i nënshkruar përfshin, ndër të tjera, zhvillimin e veprimeve të përbashkëta të marketingut dhe komunikimit për të promovuar dhe përshkruar produktet dhe shërbimet Pirelli për makina, motoçikleta dhe biçikleta.