Policia ka arrestuar 51-vjeçarin Artan Ismalaja, pasi ditën e djeshme në fshatin Bubq të Krujës vrau gruan me thikë. Policia njofton se arrestimi i 51-vjeçarit është bërë në ambientet e spitalit. Ismalaja gjendej që dje në spital, pasi tentoi të vrasë veten menjëherë pasi masakroi gruan me thikë, duke i shkaktuar vdekjen.
Ngjarja e rëndë ndodhi paraditen e djeshme, pranë një magazine të Bubqit. Çifti jetonte prej vitesh në Tiranë, ndërsa Artani zotëron një servis kamerash dhe kompjuterësh tek ish-stacioni i trenit në kryeqytet.