“E dimë se Bayern është një ekip i madh, madje edhe me cilësi individuale dhe njerëz me përvojë. Ka shumë interes për të konkuruar në këtë turne dhe ne luajmë në shtëpi. Do të përpiqemi të marrim një rezultat të mirë”. Me këto fjalë Ronald Koeman, trajneri i Barcelonës, ka komentuar vigjiljen e ndeshjes së Ligës së Kampionëve kundër Bayern Munich, e vlefshme për raundin e parë të fazës së grupeve. “Ne e dimë që ka pasur ndryshime të rëndësishme në ekip, duhet kohë, por ne e dimë që futbolli nuk të jep kohë. Është një lojë interesante nga e cila mund të nxjerrim përfundime të mira,” shtoi ai.
Trajneri nuk përjashton asgjë por nuk i vë vetes asnjë objektiv: “Nëse arrijmë të fitojmë Ligën e Kampionëve? Është diçka të cilës nuk mund t’i përgjigjem. Kundër Bayernit mund të bëjmë llogaritë, është një kundërshtar që aspiron në maksimum dhe ne jemi duke i ndryshuar gjërat. Nëse humb topa në hapësirat prapa, ata mund të na bëjnë shumë dëme, sepse janë një ekip shumë i shpejtë në sulm. E rëndësishme është të kesh topin dhe të nisesh mirë nga poshtë, është çelësi për të marrë një rezultat të mirë nesër”. Koeman e sheh ndeshjen si një mundësi për t’u hakmarrë ndaj 2-8 në Lisbonë: “Ka disa lojtarë që e vuajtën shumë atë natë. Duhet të shihet si një mundësi për t’i bërë keq Bayern. Mund ta bëjmë, bëhet fjalë për të gjetur formulën e duhur”.