Greqia vijon të shënojë shifra të larta nga koronavirusi. Në 24 orët e fundit në vendin fqinj u raportuan 32 viktima të reja duke e çuar numrin total në 14.860 që nga fillimi i pandemisë.
Ministria e Shëndetësisë në Greqi raportoi se janë regjistruar 2.636 raste të reja me një total prej 658.368 të infektuarish.
Aktualisht në intubim janë 329 pacientë, mosha mesatare e të cilëve është 65 vjeç.
Sipas mediave greke, 295 janë të pavaksinuar ose pjesërisht të vaksinuar ndërsa 34 pacientë i kanë marrë të dyja dozat.