Rusia është nën akuzë pasi mendohet se ka përdorur një spiun të vendosur në Britani për të vjedhur modelin e vaksinës AstraZeneca.
Sipas Daily Mail, Vladimir Putin e ka përdorur më pas këtë model për të krijuar vaksinën Sputnik V, e cila është shumë e ngjashme.
Qëllimi i Putin ishte që të fitonte garën globale për vaksinën e parë efektive kundër koronavirusit.
Burime të sigurisë thanë se ka prova se një spiun i Moskës ka qenë në gjendje që të vjedhë modelin top sekret të vaksinës.
Ende nuk dihet se si e ka marrë ai konkretisht, nga fabrika, nga laboratori apo nga flakonët e përfunduar.
Moska shpalli një muaj pasi kishin nisur testimet në Britani se ka përfunduar vaksinën e saj Sputnik.
Ajo funksionon në mënyrë të ngjashme me AstraZeneca.
Më herët, shërbimet sekrete britanike kishin thënë se hakerat rusë kishin shënjestruar laboratorët e vaksinës në mars të vitit 2020. b