Një lajm i bujshëm vjen nga Spanja pak orë para fillimit të ndeshjes mes Napolit dhe Barcelonës. Në dy muajt e fundit trajneri katalanas Xavi Hernandez ka nisur një gjueti të vërtetë brenda dhomave të zhveshjes, sepse është i bindur se brenda ka një ‘spiun’ që rrjedh në media informacione që duhet të mbeteshin private.
E për të gjetur ‘spiunin’, Xavi thirri një mbledhje në të cilën u kërkoi anëtarëve të stafit të tij t’i jepnin telefonat e tyre celularë në mënyrë që ai të mund të shihte bisedat e tyre në Whatsapp dhe të vinte re nëse kishte biseda me gazetarët.
Lexo më tej: Lamtumira e hidhur e Xavi Hernandez nga Barcelona: “Të stërvisësh këtë klub është mizore”
Lajmi u raportua nga Javi Miguel i emisionit të njohur spanjoll ‘El Chiringuito de Jugones’. Sipas asaj që deklaroi Miguel, pikërisht për të shmangur rrjedhjet e informacionit, mbledhjet më të rëndësishme të teknikut Xavi me ekipin në muajt e fundit janë zhvilluar pa praninë e anëtarëve të tjerë të stafit. Për më tepër, tekniku kishte telefonuar personalisht disa gazetarë në telefon për t’i pyetur ata se cili ishte burimi i tyre.
📞 "XAVI ha LLAMADO a PERIODISTAS preguntando por sus FUENTES".
😳 "Han llegado a llamar a MEDIOS para que VETARAN a algún colaborador".
EXCLUSIVA de @fansjavimiguel en #ElChiringuitoDeMega. pic.twitter.com/D0tMXsndCE
— El Chiringuito TV (@elchiringuitotv) February 21, 2024