• |
ide | kryesore

Shqipëria, e fundit në Europë për indeksin e zbatimit të ligjit, kampione në korrupsion

-Instant, Arkiva, Lajme, Të fundit



Shqipëria renditet e 83-a nga 139 shtete, e fundit në Europë, në Indeksin e Sundimit të Ligjit, 2020-2021 të publikuar së fundmi nga “World Justice Project”, një institut kërkimor ndërkombëtar me qendër në Shtetet e Bashkuara të Amerikës, Shqipëria merr 0.49 pikë, me rënie me 0.01 pikë në raport me një vit më parë (zero është vlerësimi më i ulët dhe 1 është më i lartë).

Në krahasim me renditjen e 2018-2019, kur ishte në vendin e 71, (0.51 pikë), Shqipëria është përkeqësuar me 12 pozicione.

Indeksi mat zbatimin e ligjeve në praktikë, përmes sondazheve me popullatën dhe pyetësorëve të kualifikuar, duke dhënë informacion origjinal që reflekton përvojën dhe perceptimin e publikut të përgjithshëm, në 139 vende.

Raporti thekson se zbatimi efektiv i ligjit redukton korrupsionin, lufton varfërinë dhe sëmundjet dhe i mbron njerëzit nga padrejtësitë e mëdha dhe të vogla.

Shqipëria ka pozicionimin më të keq në Europë dhe rajon, duke ia kaluar dhe Serbisë, që deri tani renditej e fundit. Në raportin e 2020-2021, Serbia u pozicionua në vendin e 81.

Qeverisje më të fortë ka Maqedonia (në vend të 64), Bosnja është në vend të 72 (Në renditje nuk përfshihen Mali i Zi dhe Kosova).

Shqipëria ka një renditje tepër negative në treguesin e korrupsionit, ku është në vendin e 105 nga 139 vendet (duke u përkeqësuar në raport me vitet e mëparshme kur ishte në vend të 93 dhe më pas 103).

Shqipëria perceptohet që ka korrupsionin më të lartë në Europë dhe rajon.

Bosnja është në vend të 87, Maqedonia e Veriut në vend të 72, Serbia në vend të 84. Në përgjithësi, të gjitha vendet e rajonit kanë bërë hapa pas me korrupsionin vitet e fundit.

Treguesi i korrupsionit mat ryshfetin, pagesat informale, konkurrencën në kontratat e punëve publike, ryshfetin në gjyqësor dhe politikë etj.

Shqipëria ka bërë një përkeqësim të dukshëm edhe në treguesin e kufizimit në fuqinë e qeverisë, ku renditet në vendin e 109, nga pozicioni i 79 në raportin e 2018-2019, duke u pozicionuar krah shteteve si Afganistani, Mozambiku, Uganda, Kazakistani etj.

Shteti i dytë më afër Shqipërisë, është Maqedonia e Veriut, në vend të 92. Ky tregues mat shkallën në të cilën ata që qeverisin janë të kufizuar nga ligji.

Ai mat sa i pavarur është gjyqësori, sa funksionojnë agjencitë audituese dhe sa pavarësi kanë ato të bëjnë kontrolle ndaj qeverisë; nëse zyrtarët hetohen dhe dënohen për shkelje; nëse mediat janë të pavarura; nëse zyrtarët zgjidhen sipas rregullave e procedurave të parashikuara nga kushtetuta.

Korrupsioni dhe kufizimet në fuqinë e qeverisë janë dy treguesit ku Shqipëria ka renditjen më negative, në Indeksin e fundit të Zbatimit të Ligjit.

Në qeverisjen e hapur, vendi është në pozicionin e 82. Më mirë është në tregun e të drejtave themelore (66), dhe të renditu dhe sigurisë (47), ndonëse me përkeqësim, nga pozicioni i 31 që ishte në 2018-2019.

Për të drejtën civile jemi në vendin e 92, për drejtësinë kriminale (80) .

Tre shtetet me ecurinë më të mirë në raportin e 2020-2021 ishin Danimarka (1), Norvegjia (2) dhe Finlanda (3); një renditje që mbetet e pandryshuar. Tre të fundit janë Kongo (137), Kamboxhia (138) dhe Venezuela (139), edhe këta të pandryshuar në krahasim me renditjet e mëparshme./Monitor



4 Comments

  1. Vend hale

    Ne nje vend ku njerzit ndahen ne dy kategori kriminele dhe te tjere qe punojne per kriminele.

    hale, vetem hale llumi e droge, ajo panorame eshte pasqyre e hales se llumit te droges vetem keq.
    Zhvishe Shqiperine lakuriq dhe e shef c’fare psilleku eshte. Mos thente zoti te rrenohet se do 1000 vjet me marr veten ose se merr kurre.

    Shqiperia eshte flake kashte.
    Jeton nga rastesia dhe paret e llumit.

    Shqiptari lind i korruptuar, nuk behet rruges. 80% ne rrang popullate lindin te tille brez pas brezi e ndahen ne dy kategori idiote.

  2. Une them qe ky raporti e ka gabim. Shqiperia eshte nje vend kampion ne zbatimin e ligjit. Thjesht ligjin e bejne kriminelet, po jo se nuk zbatohet

  3. Kot e kane se sa te jete Rama e sa te jene ne krye te BE e SHBA keto qe jane sot nuk ka per te NDRYSHUAR ASGJE. Dollaret è eurot i pelqejne shume Soreca e Juri. Rama i korruptoi edhe keto dy dallaverexhinjt.

  4. MIRËMËNGJES.

    Mos besoni të tilla ranking të publikuara pa lejen time. Janë shpifje e kazan.

    Po ta shikoni listën e shteteve me kokëposhtë, ne dalim në vendin e parë në Europë.

    PRA PËRFUNDIMISHT ME VËNDIN E PARË NGA FUNDI JU UROJ NJË DITË TË BUKUR.

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *