Derbi kryeqytetas ka tjetër peshë mbi lojtarët dhe pikërisht për të larguar tensionin nga të tijtë, përpara përballjes me Tiranën të hënën në javën e gjashtë të Superiores, tekniku Ilir Daja bashkë me stafin teknik ka rezervuar një pasdite argëtuese për ekipin: lojtarët janë vënë përballë njëri-tjetrit jo si zakonisht në fushën stërvitore, por në një lojë “paintball”.
Partizani shkon në luftë, si një parapërgatitje morale e derbit, ose tentativë e teknikut për të korigjuar shënjestrën e sulmuesve të tij, që ka lënë për të dëshiruar në 5 javët e para të kampionatit, me vetëm 4 gola të shënuar, dy nga të cilët me penallti.