• |
ide | kryesore

Gjoba, humbje në tavolinë e përjashtime nga turneu: Disiplina ndëshkon tifozët e “Klasikes”

-Instant, F1, Sport

Incidentet e shkaktuara nga tifozët në Klasiken mes Tiranës e Vllaznisë kanë marrë faturën financiare për tu paguar nga klubet, që vazhdojnë të rëndohen nga sjellja e tifozerive të tyre. Kështu, Komisioni i Disiplinës dhe Etikës në FSHF, për sjellje të gabuar të spektatorëve, hedhjen e sendeve në terrenin sportiv, dëmtimin e mjediseve sportive dhe pajisjeve sportive ka dënuar Tiranën dhe Vllazninë me gjobë në masën 100.000 (njëqind mijë) lekë. Të dy klubet, për më tepër, urdhërohen të dëmshpërblejnë dëmet e shkaktuara në Stadiumin “Arena Kombëtare” sipas akt konstatimit, brenda 15 ditëve.

Në vendimet e tjera të Disiplinës KF Butrinti U-19, për braktisjen e ndeshjes së Kupës së Shqipërisë U-19, kundër Akademia e Futbollit, jo vetëm ka humbur ndeshjen në tavolinë me rezultatin 3-0, por edhe është përjashtuar nga gara për sezonin aktual si dhe atë pasardhës të Kupës së Shqipërisë.


VENDIMET E DISIPLINËS

1. KF Skënderbeu, për sjellje të gabuar të spektatorëve, në bazë të neneve 65/1 dhe 65/3/c të KDS, dënohet me gjobë në masën 20.000 (njëzet mijë) lekë.

2. KF Tirana, për sjellje të gabuar të spektatorëve, hedhjen e sendeve në terrenin sportiv, dëmtimin e mjediseve sportive dhe pajisjeve sportive, në bazë të neneve 65/1, 65/3/a, 65/3/c dhe 65/3/f të KDS, dënohet me gjobë në masën 100.000 (njëqind mijë) lekë.

KF Tirana, urdhërohet të dëmshpërblejë dëmet e shkaktuara në Stadiumin “Air Albania” sipas akt konstatimit, brenda 15 ditëve.

3. KF Vllaznia, për sjellje të gabuar të spektatorëve, hedhjen e sendeve në terrenin sportiv, dëmtimin e mjediseve sportive dhe pajisjeve sportive, në bazë të neneve 65/2, 65/3/a, 65/3/c dhe 65/3/f të KDS, dënohet me gjobë në masën 100.000 (njëqind mijë) lekë.

KF Vllaznia, urdhërohet të dëmshpërblejë dëmet e shkaktuara në Stadiumin “Air Albania” sipas akt konstatimit, brenda 15 ditëve.

4. KF Butrinti U-19, për braktisjen e ndeshjes së vlefshme për Kupën e Shqipërisë U-19, kundër Akademia e Futbollit U-19, në bazë të nenit 54/1 të KDS dhe nenit 30.2 të Rregullores së Veprimtarisë Futbollistike, humbet ndeshjen në tavolinë me rezultatin 3-0 dhe përjashtohet nga gara për sezonin aktual si dhe atë pasardhës të Kupës së Shqipërisë.

5. Pranimin e kërkesës së lojtarit të SHS Albpetrol, Redjan Hatia, duke pezulluar zbatimin e pjesës së mbetur të dënimit. Në bazë të nenit 32/4/5 të KDS, lojtari vendoset në provë për një afat 6 (gjashtë) mujor dhe në rast të përsëritjes të shkeljes disiplinore gjatë periudhës së provës, dënimi i pezulluar i shtohet dënimit të ri.

6. Pranimin e kërkesës së AF.Elbasani U-17, në lidhje me lojtarin Kristo Doci, duke pezulluar zbatimin e pjesës së mbetur të dënimit. Në bazë të nenit 32/4/5 të KDS, lojtari vendoset në provë për një afat 6 (gjashtë) mujor dhe në rast të përsëritjes të shkeljes disiplinore gjatë periudhës së provës, dënimi i pezulluar i shtohet dënimit të ri

Lini një Përgjigje

Adresa juaj email s’do të bëhet publike.

Kthehu