Ministria e Shëndetësisë ka njoftuar për situatën epidemiologjike në vend. Sipas të dhënave të ministrisë janë kryer 2738 testime, nga të cilat 457 qytetarë kanë rezultuar pozitivë me COVID-19. Po ashtu bëhet me dije se në 24 orët e fundit ka tre humbje jete nga SARS-COV2 : një qytetar nga Durrësi 74-vjeç, një qytetare nga Fieri 79-vjeçe, një qytetare nga Tirana 80-vjeçe.
Aktualisht në spitalet COVID po marrin trajtim 130 pacientë, nga të cilët 18 janë në gjendje më të rënduar. Ndërkohë 967 qytetarë janë shëruar nga ky virus.