Mila Kunis bëri një nderim të përzemërt për ata që u prekën nga sulmi i vazhdueshëm i Rusisë në Ukrainë, ndërsa prezantonte në Oscar Awards 2022.
“Ngjarjet e fundit globale kanë lënë shumë prej nesh të ndihen të mërzitur,” tha Kunis përpara se të prezantonte performancën e Reba McEntire të “Somehow You Do”. “Megjithatë, kur je dëshmitar i forcës dhe dinjitetit të atyre që po përballen me një shkatërrim të tillë, është e pamundur të mos prekesh nga guximi i tyre. Nga ata që gjejnë forcë për të vazhduar të luftojnë përmes errësirës së paimagjinueshme.”
Kunis,e cila ka lindur në Ukrainë, dhe bashkëshorti Ashton Kutcher kanë mbledhur më shumë se 35 milionë dollarë në ndihmë humanitare për popullin e Ukrainës dhe javën e kaluar iu bashkuan Presidentit të Ukrainës Volodymyr Zelenskyy në një video-telefonatë për të diskutuar më tej përpjekjet e ndihmës.
Transmetimi i Oscars kishte një mesazh të vetin pas komenteve të Kunis, duke bërë thirrje për një moment heshtjeje “për të treguar mbështetjen tonë për popullin e Ukrainës që aktualisht përballet me pushtimin, konfliktin dhe paragjykimin brenda kufijve të tyre”.
Një kartë me tekst në ekran vazhdoi, duke u kërkuar shikuesve të tregojnë mbështetje “në çdo mënyrë që të mundeni”: “Ndërsa filmi është një rrugë e rëndësishme për ne për të shprehur humanizmin tonë në kohë konflikti, realiteti është se miliona familje në Ukrainë kanë nevojë për ushqim. kujdesi mjekësor, ujë i pastër dhe shërbimet e urgjencës. Burimet janë të pakta dhe ne – kolektivisht si një komunitet global – mund të bëjmë më shumë.”
Më shumë aktor, duke përfshirë Jamie Lee Curtis, Samuel L. Jackson dhe bashkë-pritëse Amy Schumer treguan solidaritet me refugjatët ukrainas gjatë tapetit të kuq të së dielës./Lapsi.al