Një konflikt me armë ka ndodhur në një lokal të kryeqyetit, ku për pasojë një person ka mbetur i plagosur me armë zjarri në këmbë. Policia njofton se shtetasi SH.M, 39-vjeç ka shkuar i plagosur në spital, ndërkohë që policia ka shoqëruar deri tani 12 persona, mes të cilëve nuk dihet nëse është apo jo autori i plagosjes. Mësohet se kx shtetas është konfliktuar me disa persona të tjerë në një lokal në afërsi të rrethrrotullimit të Saukut, dhe në rrethana ende të paqarta ka mbetur i plagosur me armë zjarri në këmbë shtetasi Sh. M.