Komisioni i Organizimit dhe Kontrollit të Operacioneve Elektorale të Partisë Demokratike njoftoi rezultatet e zgjedhjeve që u mbajtën këtë të hënë në 6 degë të PD.
Pas numërimit të fletëve të votimit, sipas procesverbaleve zyrtare të mbërritura nga Komisionet e votimit në degë, Kryetarë të degëve të PD u shpallën si më poshtë:
1. Dega Berat: Morën pjesë në garë 4 kandidatë dhe fitues u shpall Shyqyri Dura me 46% të votave.
2. Dega Librazhd: Morën pjesë në garë 3 kandidatë dhe fitues u shpall Ilirjan Alliu me 53 të votave.
3. Dega Prrenjas: Morën pjesë në garë 2 kandidatë dhe fitues u shpall Arjan Karriqi me 61% të votave.
4. Dega 1 Tiranë: Morën pjesë në garë 2 kandidatë dhe fitues u shpall Fetah Hasanaj me 76% të votave.
5. Dega 5 Tiranë: Morën pjesë në garë 5 kandidatë dhe fitues u shpall Fatmir Myrta, me 47% të votave.
6. Dega 8 Tiranë: Morën pjesë në garë 2 kandidatë dhe fitues u shpall Gazmend Sallaku, me 64% të votave.
Procesi u hap në orën 8.00 dhe u mbyll në pjesën më të madhe të degëve në orën 18.00. Për shkak të numrit të lartë të votuesve, PD thotë se në degët e Berat, dhe Tirana 5, procesi vijoi deri në orët e vona të mbrëmjes.