Fytyra tjetër e derbit të Merseyside: Anfield i vandalizuar, tifozi i Everton i plagosur me shishe të thyer

Liverpool fitoi derbin e Merseyside duke mundur Everton 2-0. Reds, pesë javë nga përfundimi i Premier League, mbeten kështu në -1 nga Manchester City, por në të njëjtën kohë zhysin në telashe rivalët e tyre të qytetit, që tani rrezikojnë të bien nga kategoria. Ndeshja u vendos në pjesën e dytë falë golave të Robertson dhe Origit.

Shtatë kartonë të verdhë u treguan nga arbitri Stuart Atëell, i cili në disa raste luftoi për të kontrolluar lojën e ashpër në Anfield. Tensioni mes dy klubeve, sidoqoftë, është përhapur edhe në tribuna dhe në rrjetet sociale. Shkëmbim akuzash, në fakt, mes dy tifozerive: Toffees akuzojnë ultrasit rivalë se kanë goditur një djalë me një shishe xhami të thyer; Mbështetësit e Reds replikuan, duke akuzuar kundërshtarët për vandalizimin e pjesës së vizitorëve të stadiumit.

Mbështetësit e ekipit të Lampard publikuan një foto të një djali të plagosur, i gjakosur në fytyrë. Tifozët e Toffees pretendojnë se i riu është goditur nga një shishe e thyer e hedhur nga ultrasit e Liverpool. Tifozët e Reds reaguan duke shfaqur foto nga seksioni i miqve në Anfield. Ekrane televizive të thyera, tualete të vandalizuara, panele dhe kabllo të shkulur. Gjithësesi, janë akuza në internet, të pa konfirmuara për momentin nga klubet apo policia Merseyside.

Liverpool do të rikthehet në fushë të mërkurën kundër Villarrealit për gjysmëfinalet e Champions League dhe më pas gjatë fundjavës kundër Neëcastle në Premier League. Evertoni, i cili aktualisht është i treti nga fundi dhe dy pikë pas Burnley, që ka luajtur një ndeshje më shumë, do të kthehet në fushë të dielën kundër Chelsea në Goodison Park. Frank Lampard, i cili ka humbur të shtatë ndeshjet e tij në transfertë si trajner i Toffees, duhet të fitojë për të shpresuar te shpëtimi.