Zac Efron ka marrë shumë mbështetje nga fansat e tij të cilët duan ta shohin atë në rolin e Human Torch.
Pas daljeve të mëparshme të katërshes në ekranin e madh, Fantastic Four do të rinisë sërish me prezantimin e ekipit në “Marvel Cinematic Universe”. Një rinisje e re do të thotë se anëtarët e rinj të kastit do të sillen për të luajtur secilin anëtar të ekipit dhe kasti si duket do të jetë fantastik.
Së fundmi, Efron e bëri të qartë se ai është gati të bashkohet me MCU. Në një intervistë për Extra TV, ylli i “Firestarter” u pyet se kur mund të bashkohet me botën e superheronjve, pasi kjo është diçka që fansat kanë dashur ta shohin prej kohësh.
Ai tha se është personalisht një fans i madh i Marvel-it dhe do të “përfitonte menjëherë nga rasti” për t’u bërë pjesë e MCU.
“Unë e dua universin Marvel. Kam qenë një fans i Marvel-it që kur fillova të eci. Pra, nëse personazhi i duhur vjen dhe ata duan që unë të kem një rol, do të përfitoja menjëherë nga rasti… Do ta manifestojmë”, ka shpjeguar Efron.
Vitet e fundit, ka pasur disa fushata fansash që Efron të luajë Johnny Storm, i njohur si Human Torch, në MCU.