Anne Heche nuk pritet t’i mbijetojë aksidentit të rëndë me makinë që bëri pak ditë më parë.
Përfaqësuesi i aktores tha për Page Six se ajo “pësoi një dëmtim të rëndë anoksik të trurit” për shkak të aksidentit dhe është në koma në Qendrën e Djegieve Grossman në Spitalin West Hills dhe Qendrën Mjekësore në Kaliforni.
“Ka qenë prej kohësh zgjedhja e saj për të dhuruar organet e saj,” tha zëdhënësi i aktores, duke shtuar se ajo “po mbahet në jetë për të përcaktuar nëse ndonjë prej tyre është i shëndetshëm”.
Përfaqësuesi i Heche falënderoi fansat e aktores për urimet dhe lutjet e tyre, si dhe stafin mjekësor që janë kujdesur për të që nga 5 gushti.