Një person u arrestua në Buenos Aires pasi i drejtoi armën zëvendëspresidentes Cristina Kirchner teksa ajo po dilte nga makina e saj. Arrestimin e konfirmoi ministri i Sigurisë, Anibal Fernandez.
Disa kanale televizive transmetuan pamjet se si një person i vuri armën në kokë Kirchner sapo ajo zbriti nga makina që e çoi në shtëpi. Burri iu afrua asaj bashkë me njerëzit e tjerë në turmë që e përshëndesnin.
Presidenti argjentinas, Alberto Fernandez, zbuloi se sulmuesi, një shtetas brazilian 35-vjeçar, “tërhoqi këmbëzën” kundër 69-vjeçares “por arma nuk u shkreh”.
Qindra aktivistë ishin mbledhur përpara shtëpisë së Kirchner, e akuzuar për mashtrim dhe korrupsion në lidhje me dhënien e kontratave publike në bastionin e saj në Santa Cruz gjatë dy mandateve të saj presidenciale. Prokuroria kërkoi dënim me 12 vite burg dhe ndalim të përjetshëm nga detyra publike. ©LAPSI.al
Po mire ai ja vuri armen ne turi dhe nuk e shkrepi?