Rikthehet te fitorja Vllaznisë, që merr benefitet nga një gol blitz i Hoxhajt, nga i cili Kastrioti nuk e mori dot veten. Një gol pas 40 sekondash lojë, mjaftueshëm sa shkodranët të marrin 3 pikë. Kastrioti ishte një kundërshtar i fortë dhe ndaj tyre nuk ishte një ndeshje e thjeshtë. Por humbja djeg dhe në fund pakënaqësitë tekniku Çela ka dashur t’ia thotë arbitres së ndeshjes Rusta.
Kuqeblutë lënë pas momentin delikat duke marrë përkohësisht vendin e tretë në renditjen e Superiores. Goli shpejtë i Hoxhajt ndikoi shumë në rezultat, duke parë sa luftarakë ishin krutanët. Josa e mbrojti me kujdes avantazhin e fillimit të ndeshjes, ndoshta edhe sepse shpesh është penalizuar në këto situata. Gjithësesi, fakti që i lëshuan shumë terren krutanëve rrezikoi jo pak Zogovic.
Lexo më tej: Penallti me VAR në shtesë: Erzeni i pari, mes polemikave
Të besuarit e Çelës u munduan të barazojnë rezultatin, por ishte e vështirë në fanellat e ngjeshura kuqeblu. Shumë harkime nga krahët dhe asnjëherë efikase ishin pre e lehtë për shkodranët. Deri në fund 1-0 mjaftoi për Vllazninë, që ngjitet në vendin e tretë në renditje. Mbyllet pas tre takimesh radhazi seria pozitive e krutanëve.