Parashikimi i motit sipas MeteoAlb: Territori shqiptar deri në mesditë do të jetë në dominimin e kthjellimeve në ultësirën perëndimore. Në zonat malore do të ketë kalime të pakta vranësirash. Ndërsa mesdita dhe pasditja do të shfaqin vranësirat në vend. Në zonat e thella malore do të krijojnë dhe mundësi të pakta për momente me pika shiu.
Temperaturat e ajrit do të ulen lehtë në mëngjes. Në mesditë do të luhaten në vlerat ditore nga 6°C deri në 25°C.
Era do të fryjë e lehtë dhe mesatare me shpejtësi 35 km/h kryesisht nga drejtimi Verior – Verilindor. Kjo do të krijojë dallgëzim mbi 2 ballë në brigjet detare.
Rajoni dhe Europa
Parashikimi i motit në rajon: Brigjet e Egjeut dhe pjesërisht Ballkani qëndror do të jenë në ndikimin e vranësirave të shpeshta. Ato do të krijojnë mundësi për reshje të pakta shiu. Ndërsa në Europën Lindore dhe Skandinavi vranësirat do të gjenerojnë rrebeshe shiu. POR Britania e madhe, Europa Qëndrore dhe pjesa me e madhe e Jugut të kontinentit pritet të jenë në mbizotërimin e kthjellimeve dhe vranësirave të pakta.
Kosova
Pjesa e parë e ditës do të jetë nën ndikimin e kthjellimeve, por herë pas here do të ketë kalime të pakta të vranësirave. Ndërsa pritet që vranësirat në pjesën e dytë të ditës të pësojnë zhvillime të përkohëshme, por mbrëmja sjellë përmirësim të dukshëm të motit.
Maqedonia e Veriut
Mbetet paraditja në territorin e MV në mbizotërimin e kushteve të qëndrueshme atmosferik, duke sjellë në vend alternime kthjellimesh dhe vranësirash të pakta. Por në orët vijuese do të ketë intervale me zhvillime të përkohëshme të vranësirave.