Në prangat e policisë Tepelenë ka rënë një 52-vjeçar me inicialet P.V., me vendbanim në Tiranë. 52 vjeçari është arrestuar në aksin rrugor Tepelenë-Memaliaj. Ai po transportonte 5 emigrantë të jashtëligjshëm. Ata do të kalonin kufirin kundrejt parave.
Gjithashtu është sekuestruar automjeti me të cilin po transportoheshin emigrantët, 1 aparat celular dhe 1400 euro të cilat dyshohet të jenë fituar nga kjo veprimtari kriminale.