Është e pabesueshme se si çdo fundjavë nga fushat e futbollit vijnë lajmet në limit të realitetit, e shpesh edhe më gjerë. E pabesueshme ajo që ndodhi të shtunën në Montevarchi, në fund të ndeshjes mes vendasve dhe Cesena. Ndeshja e vlefshme për Grupin B të Serie C u fitua nga miqtë 3-0. Teksa synonte t’u përgjigjej pyetjeve të gazetarëve në konferencën për shtyp, trajneri i romanjolëve, Domenico Toscano, u sulmua nga ai i Montevarchi Roberto Malotti. Ai e akuzoi se kishte folur shumë me lojtarët e tij gjatë ndeshjes. Një sulm me goditje me… kulaç.
Sipas Gazzetta dello Sport, Malotti u afrua te Toscano dhe e goditi duke i hedhur një copë kulaçi të fortë në fytyrë. Kulaçi i hedhur me forcë e ka goditur teknikun e Cesena në tëmth, duke e gjakosur. Trajneri i skuadrës së romanjole ka reaguar verbalisht ndaj sulmit, me homologun Toscano, i cili në atë moment kërkoi edhe një përplasje fizike: “Do të të rrah herët a vonë”, bërtiti ai teksa u ndalua nga drejtuesit dhe gazetarët e pranishëm.
Një drejtues i Montevarchi u kthye në sallë për t’i kërkuar falje Toscano në emër të klubit. Të dielën, klubi lëshoi një deklaratë ku njoftoi se do të merrte masa kundër trajnerit të saj: “Shoqëria Aquila Montevarchi 1902 distancohet nga ajo që ndodhi dje në sallën e shtypit. Sjella e Malotti në fund të ndeshjes Montevarchi-Cesena është e papranueshme. I kërkojmë edhe njëherë ndjesë trajnerit Toscano dhe gjithë klubit të Cesena. Në vijim do të merren masa disiplinore ndaj trajnerit për qëndrimin jo sportiv dhe aspak në përputhje me shoqërinë”.
🔴COMUNICATO UFFICIAE🔵
➡️Leggi il comunicato sul nostro sito: https://t.co/vNd1lTnIYU pic.twitter.com/hbsdoOmNCb
— Aquila Montevarchi (@aquila1902) October 30, 2022