Një Botëror nën shenjën e Bayern Mynih. Skuadra e Nagelsmann përfaqësohet në Katar 2022 nga 17 lojtarë të thirrur nga ekipet e ndryshme kombëtare. Kampionët e Gjermanisë janë në krye të renditjes së lojtarëve të thirrur në kombëtaret e Botërorit. Pas bavarezëve janë dy fuqi të tjera në futbollin evropian: Manchester City dhe Barcelona. Skuadra e Guardiolës dhe ajo e Xavi dërgojnë 16 lojtarë në Katar, vetëm një më pak se Bayern.
Pak poshtë podiumit është Manchester United me 14. Djajtë e Kuq kanë lënë pas Real Madrid me vetëm një lojtar më pak, 13. Juventus është klubi më i përfaqësuar në Serie A me 11 lojtarë, ndërsa milanezët kanë nga 7. Bardhezinjtë kanë keqardhjen për dëmtimin e Paul Pogba, që do ta kishin rritur numrin në 12. Ndërkohë, numër i barabartë lojtarësh për Inter e Milan, por larg prezantimit të gjigantëve të tjerë të Europës në turneun më të famshëm në planet.
Lexo më tej: Gjermania mes mungesave dhe dy “adoleshentëve”: Flick zbulon listën e lojtarëve për Katar 2022
Kampionati që ka eksportuar më shumë eksponentë në Katar është Premier League me 133 lojtarë. Podiumi kompletohet nga Spanja e Gjermania. La Liga përfaqësohet me 83 futbollistë, ndërsa Bundesliga me 77. Sigurisht që pesë kampionatet elitare do të ishin të parat për numër futbollistësh në një turne të tillë. Kështu, Italia është e katërta me 67 lojtarë nga Serie A (plus tre nga B). Në vendin e fundit të top-5 është Ligue 1 me 55 futbollistë.