Në grupin B të Kupës së Botës Katar 2022, udhëheq e vetme Anglia. Në ndeshjen e mbrëmjes, Uellsi dhe Shtetet e Bashkuara nuk i kanë bërë keq njëri-tjetrit duke barazuar 1-1. Një pjesë loje e dominuar për secilën skuadër në stadiumin Ahmad Bin Ali. Shtetet e Bashkuara të Amerikës dominuan pjesën e parë dhe morën avantazhin me Timothy Weah (36′). Uellsianët u kthyen në pjesën e dytë, duke barazuar me penalltinë e Bale në minutën e 81. Buzëqeshin tani uellsianët që do të provojnë sprintin kualifikues kundër Iranit të premten, kur amerikanët të luajnë me Anglinë.
Një mbiemër fisnik dhe një nënshkrim prestigjioz. Në Doha përfundoi 1-1 mes Shteteve të Bashkuara dhe Uellsit, falë golave të Weah dhe Bale. Në një ndeshje të luftuar, por zbavitëse, në minutën e 36 erdhi koha e djalit të artit. Timothy Weah shënoi golin e 1-0, me një blic që do ta ketë bërë krenar të atin George. Asisti ishte i Pulisic, shumë i shpejtë për t’u kombinuar me Sargent dhe i shkëlqyer në topin e pasuar.
Amerikanët në avantazh në pushim, por gafën e bëri Zimmerman në pjesën e dytë. Mbrojtësi pengoi Bale në zonë me një ndërhyrje të pakuptimtë. Nga pika e bardhë e penalltisë, Gareth ishte i ftohtë, duke barazuar 1-1. Një rezultat që nuk do të ndryshonte më deri në fund, mes thirrjeve krenare të uellsianëve në tribuna deri në minutën e 101-të. Në grupin B të kryesuar nga Anglia dhe të mbyllur nga Irani, kombëtarja amerikane dhe dragonjtë britanikët lëvizin renditjen. Por për tu kualifikuar duket se diferencën do ta bëjë golavarazhi ose misioni i vështirë për t’i marrë pikë Anglisë
Lexo më tej: Nuk luajti dot kurrë në Botëror: Weah në Katar për të parë ndeshjet e të birit Tim