Aktorja e njohur italiane Dalila Di Lazzaro është rikthyer për të folur për kalvarin e saj të gjatë mjekësor. “Kam qëndruar në shtrat për 11 vjet. Asnjëherë, kurrë, kurrë nuk u ngrita. As për të larë veten. Haja shtrirë” – tha ajo në një intervistë për gazetaren Mara Venier në emisionin “Domenica In”. Ajo foli për traumën e pësuar pas një aksidenti dhe dhimbjen kronike me të cilën iu desh të luftonte, por edhe që ende lufton.
“25 vjet më parë e mbylla karrierën. Mjekët nuk më besonin. Nuk e di pse, por nuk më besonin dhe kjo ishte një gjë shumë e rëndë sepse në atë kohë nuk njihej dhimbja kronike dhe kjo ishte një gjë e tmerrshme. Kisha thyer atlasin, në mënyrë jo të rregullt. Nuk më bënë një radiografi të plotë. Vazhduan të më bënin radiografi nga qafa e poshtë…” – tregoi ajo.
Dalila Di Lazzaro, aktore dhe modele u bë një ikonë bukurie në vitet 70-80. Aktorja po udhëtonte me motoçikletë dhe për shkak të një grope në një prej rrugëve të Romë ajo bëri një rënie të keqe që i shkaktoi disa fraktura. Problemi ishte një dhimbje kronike që nuk mposhtej. Për ta rënduar situatën, siç shpjegoi ajo ishte mosbesimi i mjekëve.
“Në atë kohë nuk flitej për dhimbje kronike. Më duhej të shkoja në Arizona dhe ata u habitën që Italia nuk fliste për këtë. Fatkeqësisht ajo nuk ka mbaruar. Do të doja të mos kisha keqardhjen e njerëzve. Jam luftarake, e fortë, dua të ndihmoj mijëra njerëz që po luftojnë me dhimbjet kronike”, – tha aktorja.
Megjithatë, kjo nuk është drama e parë e përjetuar nga Di Lazzaro. Në vitin 1991 ajo humbi djalin e saj 22-vjeçar në një aksident automobilistik. Në moshën 62-vjeçare u përpoq të bëhej sërish nënë, por nuk shkoi mirë.
“Pavarësisht moshës u përpoqa të bëja një fëmijë, por abortova. Mjekët më paralajëmruan se do të ishte një hap i rrezikshëm, por gjithsesi u përpoqa” – tha ajo për të përjavshmen “Chi” në vitin 2015.
Në një intervistë për Barbara d’Urso në vitin 2017, aktorja kishte rikthyer momentet e vështira të jetës së saj.
“Herën e parë që u përdhunova nga një kushëri isha vetëm 6 vjeç”. E dyta ndodhi në moshën 17-vjeçare, në përfundim të një sfilate mode. “Isha në shënjestër të një djaloshi që më rrëmbeu për 4 ditë. Kam kaluar lloj-lloj vuajtjesh, por unë jam një luaneshë, i kapërcej të gjitha”. E treta ndodhi në moshën 40-vjeçare. “U tradhtova nga një person që e mendoja se ishte mik. Ishte miliarder. Po ta kisha paditur do të më kishte dërrmuar”, – thotë aktorja, e cila megjithatë e kalon me një buzëqeshje: “Kam arritur të gjej brenda meje forcën për të kapërcyer këto tronditje dhe mbi të gjitha për të falur”. ©LAPSI.al