Mali i Zi është kthyer në shqetësimin kryesor të momentit për Bashkimin Europian. Kriza e krijuar në vend është një prej temave kryesore të diskutimit në takimin e Këshillit të Ministrave të Jashtëm të BE-së në Bruksel. Podgoricës i është bërë thirrje që situatën aktuale politike ta kapërcejë vetëm me mjete kushtetuese. Kjo në mënyrë që shteti kandidat të mund të vazhdojë rrugëtimin në procesin e integrimeve europiane. Për gjendjen, pritet të raportojnë ministrja e Jashtme e Sllovenisë Tanja Fajon dhe ministri i Jashtëm i Austrisë Alexander Schallenberg. Ata e vizituan vetë Malin e Zi në emër të Përfaqësuesit të Lartë të BE-së për Politikë të Jashtme dhe Siguri, Josep Borrell.
Zyrtarët e BE-së thonë se liderëve malazezë u është dërguar mesazhi se ngërçi mund të zgjidhet vetëm me mjete ligjore. Ata kanë kërkuar edhe zgjedhjen e dy gjykatësve, në mënyrë që të funksionalizohet Gjykata Kushtetuese. Kjo ka qenë parakusht për zhvillimin e zgjedhjeve të rregullta e të lira.
Mali i Zi është konsideruar vendi lideri nga rajoni i Ballkanit Perëndimor në procesin e negociatave të anëtarësimit në BE. Por, problemet e brendshme politike kanë ndikuar që procesi të ngadalësohet. Madje, disa burime diplomatike në Bruksel pohuan se i gjithë procesi mund të ndalojë nëse nuk sigurohet sundimi i ligjit dhe vënia në funksion e Gjykatës Kushtetuese.
cilet gjykate
edhe usa nuk beson te gjykatat (ajo nderkombetare)
do te mbash peng e koloni nje shtet
kapi gjykaten