Tentoi të kalonte kufirin, me dokumente të falsifikuara, me qëllim kërkimin e azilit në Mbretërinë e Bashkuar, me pretendimin se në Shqipëri ishte viktimë e prostìtucionit, vihet në pranga 24-vjeçarja.
Procedohet penalisht 30-vjeçari që e shoqëronte. Sekuestrohen një pasaportë, një kartë identiteti dhe një leje drejtimi italiane, të falsifikuara.
Shërbimet e Policisë Kufitare Rinas, në bashkëpunim me shërbimet e Seksionit të Hetimit të Krimeve Ekonomiko-Financiare të DVP Tiranë, në vijim të kontrolleve të detajuara të dokumentacionit që paraqesin shtetasit që hyjnë dhe dalin në këtë pikë të kalimit kufitar, bazuar në inteligjencën informative të siguruar nga specialistët për Hetimin e Krimit Ekonomik të DVP Tiranë, se një shtetase do të kalonte kufirin, me dokumente të falsifikuara, me qëllim kërkimin e azilit, duke mashtruar për arsyen, kanë organizuar dhe finalizuar operacionin policor të koduar “Sajesa”.
Në kuadër të operacionit, në Rinas, u kap dhe u vu në pranga në tentativë për të kaluar kufirin shtetasja M. M., 24 vjeçe.
Gjithashtu, nisi procedimi penal për shtetasin A. S., 30 vjeç, i cili shoqëronte 24-vjeçaren.
Gjatë kontrollit të detajuar, në çantën e 24-vjeçares, Policia gjeti dhe sekuestroi një pasaportë, një kartë identiteti dhe një leje drejtimi italiane, të falsifikuara, të cilat kjo shtetase do t’i përdorte për të kërkuar azil në Mbretërinë e Bashkuar, duke sajuar një alibi se në Shqipëri ishte viktimë e prostitucionit.
Materialet i kaluan Prokurorisë pranë Gjykatës së Rrethit Gjyqësor Tiranë, për veprime të mëtejshme.
Bravoo, po kemi polici jo llafe ne . Biles edhe me kod e kane bere kte mega operacion. Kriminele te tille si kjo vajza po e marrin ne qafe shqiperine ! Kjo dhe ndonje qe kalon euro te padeklaruara per ti sjelle ne shqiperi ! A po mos harroj edhe ata kriminelet qe po vinin baste me telefon . Edhe atyre jua tregoi vendin policia jone . Pastaj ka ndonje hajvan qe thote skemi shtet !!!
JA KU PERFUNDOI SHQIPERIA KOLONI:
PO BEJNE VETEN NJEREZIT PROSTITUTA VETEM ME HIK