Një i ri është arrestuar në Librazhd, ndërsa pesë persona të tjerë janë vënë nën hetim. 23-vjeçari, administrator i një lokali, është vënë në pranga pasi u kapën teksa luanin lojëra fati. Blutë njoftojnë se u kap Andi Kullafi si dhe u shpall në kërkim administratori tjetër, Mikel Peçi, 31 vjeç. Të dy këta persona akuzohen se në bashkëpunim me njëri tjetrin kanë vënë në dispozicion lokalin e tyre, për organizimin e lojërave të fatit.
Po ashtu njoftohet se në hetim u vunë, A. K., A. Rr., Xh. A., D. I., dhe F. R. Ata u kapën në këtë ambient, duke luajtur lojëra fati. Ndërkohë policia sekuestroi 5 kompjutera, si dhe rreth 200 000 lekë të dyshuara të përfituara nga kjo veprimtari e kundërligjshme. Materialet procedurale i kaluan Prokurorisë pranë Gjykatës së Rrethit Gjyqësor Elbasan, për veprime të mëtejshme.