Përfaqësuesi i lartë i Bashkimit Evropian për politikë të jashtme dhe siguri, Josep Borrell, ka thënë se pajtimi i Kosovës dhe Serbisë të martën për tekstin e deklaratës së personave të zhdukur, është hapi i parë drejt përmbushjes së zotimeve që të dyja vendet kanë dhënë me marrëveshjet në Bruksel dhe Ohër.
“Serbia dhe Kosova janë zotuar në Marrëveshjen për rrugën drejt normalizimit dhe aneksin. BE-ja pret që dyja palët të respektojnë gjitha obligimet dhe të fillojnë sa më shpejt zbatimin. Palët duhet të evitojnë çdo përshkallëzim të mundshëm. Përkthimi i përkushtimeve në rrugët e tyre evropiane po vazhdon”, ka shkruar Borrell në Twitter të mërkurën.
“Marrëveshja që është arritur për tekstin e deklaratës për personat e zhdukur gjatë takimit të djeshëm të kryenegociatorëve është hapi i parë. Ne do ta miratojmë në nivel të liderëve në takimin e radhës të nivelit të lartë të cilën do ta organizoj”.
Ditën e djeshme në Bruksel u takuan kryenegociatorët Besnik Bislimi dhe Petar Petkoviç. Numri dy i qeverisë së Kosovës Bislimi ka thënë se ka mirëkuptim që të ketë takim të liderëve, ndërsa Petkoviç u theksoi se janë pajtuar për deklaratën për “personat e pagjetur”.
Në aneksin e zbatimit të Marrëveshjes për normalizim raportesh nënvizohet që deklarata për personat e zhdukur duhet të miratohet si çështje urgjente.
mos mor te qifsha ropt komunist evropian