Moonbin, një anëtar i grupit pop koreano-jugor Astro ka ndërruar jetë sipas policisë. Ai ishte 25.
Autoritetet i thanë gazetës koreane të lajmeve Yonhap News se këngëtari u gjet i vdekuer në shtëpinë e tij në Gangnam-gu, Seul, rreth orës 20:10.Ai besohet se i ka dhënë fund jetës, por shkaku zyrtar i vdekjes është në pritje.
Shtëpia diskografike e Moonbin, Fantagio, lëshoi një deklaratë në Twitter të mërkurën duke konfirmuar lajmin. “Së pari, kërkoj falje për lajmin e trishtuar dhe zemërthyer”, filloi postimi. “Më 19 Prill, anëtari i Astro Moonbin papritur na la dhe u bë një yll në qiell.”Deklarata vuri në dukje se të afërmit e artistit dhe të gjithë ata që punuan me të, duke përfshirë shokët e grupit Cha Eun-woo, Rocky, Yoon San-ha, MJ dhe Jinjin, “po vajtonin thellësisht të ndjerin në pikëllim dhe tronditje të madhe”.
Ekipi u kërkoi fansave të “përmbahen nga raportimet spekulative dhe dashakeqe, në mënyrë që familjarët , të cilët janë të tronditur nga lajmi i papritur i hidhur, të mund të përkujtojnë dhe ndahen me të ndjerin”. Funerali i Moonbin do të mbahet “sa më i qetë që të jetë e mundur” me të pranishëm vetëm anëtarët e familjes, miqtë dhe kolegët, thuhet gjithashtu në deklaratë./Lapsi.al