Një nga drejtuesit më të vlerësuar të televizionit amerikan, Tucker Carlson ka vendosur të largohet nga Fox News. Lajmin e konfirmoi gjigandi mediatik amerikan. Në një deklaratë, Fox News tha se është rënë dakord me Carlson që “rrugët të ndahen”.
Programi i tij i fundit televiziv ishte e premtja më 21 prill, thuhej në deklaratë. Hapësira e tij në primetime tani do të mbahet nga një seri gazetarësh të përkohshëm derisa të gjendet një zëvendësues i përhershëm. Deklarata e shkurtër me dy paragrafë nuk dha asnjë arsye për vendimin. Një spikere e Fox News që njoftoi largimin tha se e falënderonte atë “për shërbimin e tij ndaj rrjetit Fox News”.
Carlson nuk ishte vetëm një prezantues i njohur, por edhe një prezantues historikisht me ndikim. Shfaqjet e tij shpesh vendosin axhendën për konservatorët dhe si rrjedhojë edhe për Partinë Republikane.
Programi i tij ofronte një përzierje të qëndrimeve konservatore populiste për çështjet që varionin nga imigracioni, krimi, raca, gjinia dhe seksualiteti. Ai drejtonte 4 nga 10 programet më të vlerësuara në TV kabllor të SHBA-së. Ai ishte prezantuesi më i vlerësuar i Fox News, me më shumë se 3 milionë shikues mesatarisht në një natë.
Prezantuesi shpesh pajtohej publikisht me Donald Trump, politika e të cilit ka transformuar Partinë Republikane vitet e fundit. Megjithatë herë pas here ai ndryshonte nga pikëpamjet politike të ish-presidentit. Intervista e tij e fundit me Trump mori 7 milionë shikues, një shifër e padëgjuar në botën e lajmeve kabllore amerikane. Konkurrentët e Fox News ishin të shpejtë për të përfituar nga largimi i Tucker.
Njoftimi i largimit të Carlson vjen vetëm disa ditë pasi Fox News zgjidhi një padi për shpifje nga kompania e makinerive të votimit Dominion mbi mbulimin e saj të zgjedhjeve presidenciale të 2020. Dominion argumentoi se ishte dëmtuar nga Fox që përhapte pretendime të rreme se makinat e saj ishin manipuluar kundër Trump. Rasti nxiti zbulimin e mesazheve që tregonin se pikëpamjet private të Carlson që shpesh ishin në kontrast me daljen e tij në transmetim. ©LAPSI.al
Fuck soros and its natural habitat europe
Fuck that dbag soros and his lefttist natural habitat europe