Këngëtarja kolumbiane, Shakira, u shpërngul në Miami me djemtë Milan dhe Sasha në fillim të muajit të kaluar, ndërsa tashmë ish-partneri i saj, Gerard Pique, ka mbërritur për të vizituar fëmijët e tyre.
Ish-futbollisti i Barcelonës është fotografuar në aeroport, ndërsa dukej i lodhur dhe ‘i lënë pas dore’ dhe me disa kilogramë tepër.
“Çfarë i ka ndodhur”
“Duket se nuk e stërvit më as trupin e as trurin”
“Kështu nuk duket një njeri i lumtur”
“Duket se është relaksuar shumë në pushime” – janë disa nga komentet në rrjetet sociale.
Para se të udhëtonte në Miami për t’i parë djemtë e tij, Gerard-i kaloi disa ditë pushimi në Abu Dhabi me Clara Chia-n, për të cilën u nda nga Shakira pas 12 vitesh lidhje.