Një person është vetëplagosur me armë zjarri të hënën në Tiranë.
Policia tha se ngjarja ka ndodhur tek parkimi i urgjencës së Pediatrisë, ku shtetasi Sh. H., 47 vjeç, (punonjës policie në sistemin e burgjeve) dyshohet se është vetëplagosur me armën e shërbimit që mbante me vete.
47-vjeçari ndodhet në Spitalin e Traumës ku po merr ndihmën mjekësore.
Grupi hetimor në bashkëpunim me Prokurorinë po punon për sqarimin e rrethanave të ngjarjes.