Një aksident ka ndodhur pak minuta pas mesnate në rrugën që lidh Talen me superstradën Lezhë-Milot, në vendin e quajtur Ura e Prekanit.
Mësohet se janë përplasur dy automjete e për pasojë kanë mbetur të plagosur 2 persona.
Ata ngelen te bllokuar për disa minuta në makinë dhe për nxjerrjen e tyre u desh ndërhyrja e zjarrfikesve.
Dy të plagosurit janë dërguar për ndihmë mjekësore në spitalin e Traumës në Tiranë, ku gjendja e tyre është e rëndë.
Akoma nuk dihen shkaqet e aksidentit, ndërsa policia po heton rrethanat e aksidentit.