Programi Botëror i Ushqimit i Kombeve të Bashkuara (WFP) në Afganistan do të detyrohet të heqë ndihmën ushqimore për 2 milionë njerëz të tjerë për shkak të mungesës masive të fondeve, tha organizata në një deklaratë.
Kjo e çon numrin e përgjithshëm të njerëzve të shkëputur nga mbështetja e WFP këtë vit në 10 milionë.
“Me ato pak burime që na kanë mbetur, ne nuk jemi në gjendje t’u shërbejmë të gjithë atyre njerëzve që janë në prag të varfërisë së plotë ,” tha Hsiao-Wei Lee, drejtori i vendit të WFP në Afganistan.
Shkurtimet nënkuptojnë se 1.4 milionë nëna të reja dhe fëmijët e tyre nuk do marrin më ushqime të specializuara të krijuara për të parandaluar kequshqyerjen, tha agjencia.
“Për gjashtë muajt e ardhshëm, WFP-së i nevojiten 1 miliard dollarë për të arritur 21 milionë njerëz me ushqim shpëtimi, ushqim dhe mbështetje për jetesë”, shtohet në deklaratë.
Afganistani po vuan nga ndikimi i 40 viteve të konfliktit , një ekonomi e gjymtuar dhe efektet e krizës klimatike.
WFP u kërkoi vendeve donatore që të kenë prioritet financimin për operacionet humanitare në Asamblenë e Përgjithshme vjetore të OKB-së në Nju Jork.
NE KETO KUSHTE OSE RIKONFIRMOHEN MARRVESHJE DHE LIGJE PERSHTATSHEM ME ZHVILLIMET TE PRANUARA NGA TE GJITH SI RREGULLATOR EKUJLIBRASH NE CDO FUSH OSE VJEN DREJT MOSBESIMIT IZOLIMIT DHE KONSIDEROHET E DESHTUAR DHE RITMIN E SAJ E ZE RITMI ZHVILLIMIT NEGATIVITETI OSE POZIVITETI ATE CFAR KOMBET DO ZGJELLIN