Shakira ka folur sërish për ndarjen nga Gerard Pique gjatë një interviste me Billboard të botuar të enjten.
“Prioriteti im ishte shtëpia ime, familja ime. Unë besova në ‘derisa vdekja të na ndajë’. Unë e besova atë ëndërr dhe e pata atë ëndërr për veten time, për fëmijët e mi, “tha ajo për gazetën. Ajo dhe Pique kanë dy djem, Milan, 10 vjeç dhe Sasha, 8 vjeç.
Këngëtarja shtoi se shpresonte të kishte një dashuri të përjetshme të ngjashme me prindërit e saj, të cilët kanë qenë së bashku për 50 vjet. “Ata e duan njëri-tjetrin si ditën e parë, me një dashuri unike dhe të papërsëritshme”, shpjegoi Shakira. “Kështu që unë e di që është e mundur.” “Dhe ka qenë gjithmonë shembulli im,” shtoi ajo. “Kjo është ajo që doja për veten dhe fëmijët e mi, por nuk ndodhi.”
Duke reflektuar mbi romancën e saj të mëparshme me Piqué, këngëtarja e “She Wolf” pranoi se asaj iu desh ta vinte karrierën e saj muzikore në prapavijë ndërsa jetonte me futbollistin në Spanjë.
“Unë iu përkushtova atij. Ishte shumë e vështirë për mua të fokusohesha në karrierën time profesionale ndërsa isha në Barcelonë”, shtoi artistja. “Nuk mund të lija fëmijët e mi dhe të shkoja diku për të bërë muzikë jashtë shtëpisë sime. Ishte e vështirë të ruash ritmin”.
Por që kur u zhvendos në Majami në maj, këngëtarja e “Waka Waka” ka qenë në studio duke regjistruar muzikë të re dhe ka në plan të bëjë turne në vitin 2024.Sa i përket dy fëmijëve të saj, fituesja e Grammy-t zbuloi se ata porriten larg vëmendjes pas lëvizjes së fundit në SHBA./Lapsi.al