Arnold Schwarzenegger tha në një shërbim përkujtimor për avokatin legjendar të Hollivudit Jake Bloom se ai arriti të shkrijë urrejtjen e famshme midis tij dhe Sylvester Stallone kur i futi ata në marrëveshjen e Planet Hollywood.
Aktori i “Terminator” u tha miqve dhe kolegëve të shumtë të Bloom në event se ai e përçmonte Stallone-n në fillim të karrierës së tyre, sepse ata ishin shumë konkurrues me njëri-tjetrin, duke krahasuar gjithçka, nga madhësia e muskujve të tyre deri tek pagesa e tyre.
Kështu që Schwarzenegger u zemërua kur mësoi se Bloom kishte nënshkruar me të si klient – dhe akoma më shumë u zemërua kur mësoi në vitin 1991 se Bloom dëshironte të sillte Stallone në marrëveshjen e famshme si pronar i restorantit zinxhir me temë Hollywood-i në 1991, së bashku me Bruce Willis.
Por Arnold tha se Bloom – i cili u nds ngs jeta në 7 shtator në shtëpinë e tij në Sun Valley, Idaho, në moshën 81-vjeçare – e bindi atë se do të ishte më mirë për biznesin nëse dhe aktori i “Rocky” do merrte pjesë.
Një burim i tha Page Six se në fund, Arnie dhe Stallone shpenzuan aq shumë kohë duke fluturuar nëpër botë për të promovuar restorantin saqë armiqësia e tyre më në fund u shua dhe ata u bënë miq të ngushtë.
Gjithashtu në shërbim ishin producentët Jerry Bruckheimer dhe Brian Grazer, kolegu avokat Marty Singer dhe tregtari i artit Andy Terner, ndër të tjera.
Themeluesi i Bloom Hergott përfaqësoi gjithashtu Martin Scorsese, George Lucas, John Hughes, Ron Howard, Bruce Willis dhe Jackie Chan, sipas Hollywood Reporter./Lapsi.al