Carl Weathers, aktori protagonist në filmat e njohur “Rocky” dhe “Predator” ndërroi jetë në moshën 76-vjeçare. Familja e tij lëshoi një deklaratë përmes agjentit të tij për të njoftuar se ai ndërroi jetë “i qetë në gjumë” më 1 shkurt.
“Carl ishte një qenie njerëzore e jashtëzakonshme që jetoi një jetë të jashtëzakonshme. Nëpërmjet kontributit të tij në film, televizion, art dhe sport, ai ka lënë gjurmë të pashlyeshme dhe është i njohur në mbarë botën dhe brezat. Ai ishte një vëlla, baba, gjysh, partner dhe mik i dashur” – thuhet në deklaratën e familjes.
Weathers u bë i njohur për rolin e Apollo Creed së bashku me Sylvester Stallone në 4 filmat e parë të Rocky. Pamjet e Weathers u përdorën gjithashtu në filmat “Creed” që pasuan me Michael B Jordan. Pasi u bë një yll i futbollit në kolegj në vitet 1960 ai u tërhoq nga një karrierë profesionale në fillim të viteve 70. Weathers filloi të aktrojë në kinema me role të vogla.
Shpërthimi i tij erdhi në vitin 1976 me Rocky duke marrë një rol të destinuar fillimisht për boksierin e vërtetë Ken Norton. Ai dyshohet se e mori rolin pasi kritikoi aktrimin e Stallone në audicionin e tij. “Ndonjëherë gabimet janë ato që të bëjnëshfaqjen” – tha ai në 2015.
“Ishte e vështirë të shpëtoje nga goditjet me grushte në sheshin e xhirimit. Kishte raste kur qëllimisht godisnim njëri-tjetrin. Unë kam qenë gjithmonë i shqetësuar se nëse godas Stallonen dhe mund t’i dhembë. Nuk kisha asnjë arsye për këtë” – tha ai në vitin 2020.
Weathers më pas mori role në 3 filmat e ardhshëm të Rocky si dhe përballë Arnold Schwarzenegger në “Predator” të 1987-ës me rolin kryesor në Action Jackson të 1988-ës. Në dekadën e ardhshme ai luajti me Adam Sandler në “Happy Gilmore” apo edhe me dublimin e Combat Carl në “Toy Story 4”.
Rolet e tij më të fundit përfshinin Greef Karga në “The Mandalorian”, i cili i dha atij një nominim për Emmy. Ai gjithashtu drejtoi dy episode. Ai la pas dy djem. ©LAPSI.al