Këshilli i Ambasadorëve Amerikanë ka botuar këto ditë një raport pas vizitës fakt-mbledhëse në Shqipëri, Kosovë dhe Maqedoninë e Veriut.
Në një intervistë për Zërin e Amerikës, ambasadori Philip Hughes, përfaqësuesi i këtij grupi që mbledh rreth vetes ambasadorë jo të karrierës, thotë se këto tre shtete të Ballkanit kanë bërë përparim të jashtëzakonshëm, por ato vazhdojnë të përballen me sfida nga ndërhyrjet politike të fqinjëve të tyre apo në rastin e Shqipërisë nga kriminaliteti dhe korrupsioni dhe mungesa e një demokracie të mirëfilltë.
Zoti Hughes po ashtu foli për vendimin e Shteteve të Bashkuara për ta shpallur person non-grata ish Presidentin e Shqipërisë, Sali Berisha.
Pjesë nga intervista:
Zëri i Amerikës: Një nga çështjet kundërthënëse të viteve të fundit është vendimi i qeverisë së Shteteve të Bashkuara për të shpallur ish Presidentin e Shqipërisë Sali Berisha, persona non-grata. Në raport e konsideroni këtë vendim të padrejtë. A mund të na shpjegoni përse?
Philip Hughes: Kjo që thoni është paksa një lexim i gabuar i asaj që ne po përpiqemi të themi në raport. Është vështirë të gjykojmë rastin e Sali Berishës, sepse nuk kemi qasje tek faktet. Nuk e dimë se çfarë dëshmish i janë paraqitur Departamentit të Shtetit, apo çfarë provash kishte Sekretari Blinken kur bëri përcaktimin. Ajo që po përpiqemi të themi në raportin tonë, ajo që po përpiqemi të nënvizojmë, është se ky mund të jetë një rast, ku një nga ligjet tona po praktikohet në mënyrë shumë të përgjithshme, pa vëmendjen e duhur të Kongresit, duke sjellë pasoja të padëshiruara. Kjo është situatë në kundërshtim me traditat tona ligjore në Shtete të Bashkuara, ku njerëzit duhet të kenë qasje ndaj dëshmisë kundër tyre, në mënyrë që të kenë mundësinë për të kundërshtuar provat dhe të argumentojnë për të mbrojtur veten. Dhe kjo nuk është e mundur me mënyrën se si këto rregullore për shpalljen (non-grata) janë hartuar. Ajo që u përpoqëm të theksojmë është se kemi të bëjmë me diçka që bie ndesh me traditat ligjore amerikane dhe ndoshta duhet shqyrtuar. Ndoshta ka qenë e padrejtë, nuk e di, sepse nuk i kam faktet për rastin e Sali Berishës. Por është e sigurt se ai nuk ka qasje ndaj fakteve dhe nuk ka patur mundësinë që të mbrohet nga shpallja e vendimit apo të argumentojë në mbrojtje të vetes. Kjo nuk është mënyra se si ne i bëjmë gjërat në aspektin ligjor, në përgjithësi në SHBA, ndonëse ai natyrisht është shtetas i huaj.
Zëri i Amerikës: Shpallja, megjithatë, është mbështetur në një ligj të Kongresit, si një mjet politik për të luftuar korrupsionin dhe përcaktimet publike kanë filluar në vitin 2018 me prokurorin Adriatik Llalla. Dua t’iu pyes për kornizën kohore të këtij vendimi, sepse ju thoni se është vendim i administratës së Presidentit Biden, i Sekretarit Blinken. A mund të ketë filluar procedura nga administrata e mëparshme?
Philip Hughes: Qeveria amerikane, para zgjedhjes së Presidentit Biden më 2020, mund të ketë patur prova apo të dhëna nga Shqipëria, nuk e di. Ambasada u tregua e gatshme të na takonte por nuk na dhanë asnjë informacion, nuk hynë në asnjë nga faktet e rëndësishme që çuan te vendimi. Prandaj nuk e di se kur qeveria amerikane mund t’i ketë siguruar fillimisht të dhënat që mund të kenë çuar në vendimin e Sekretarit Blinken. Të gjitha diskutimet u përqëndruan në vendimet e marra gjatë administratës së Presidentit Biden.
Shkurt, thjesht,,qarte.
Ishte ne linjen e ashper kundra ndarjes se kosoves dhe prandaj procedurat kishin nisur qe me administraten e Tramp.
Kjo është arsyeja e vërtetë e shpalljes non grata të Berishë, ishte pengesë për ndërkombëtarët për ndarjen e Mitrovicës, ku Sorosi kërkon të blejë minierën e Trepçës me spekullimet e tij!
Ajo lëvizje diabolike e marrë nga kjo administratë i kuptua që në fillim se çfarë lëvizje ishte.
Nuk e di nëse është filluar nga administrata Trump por një është e sigurtë. Ajo do ngelet një njollë e shëmtuar për Amerikën dhe një urrejtje për ata që e ndjejnë veten shqiptarë të vërtetë që deshën e duan që drejtësia të jetë pishtari që duhet të udhëheqë këtë vënd.
Shpërdorimi i besimit dhe dashurisë të atyre që vërtet e kanë dashur dhe e duan atë është poshtërsia me e madhe duke i futur në shërbim njerëzit pa skrupull dikur urrejtës të kësaj Amerike,ish komunistët!!
Po të paktën Berisha i bëri një shërbim shqiptarëve në Kosovë.
Ndaloi ndarjen e saj por aty është një kryeministër patriot që mbron interesat e saj.
Dhe Shqipërisë po i bën shërbim dhe në kushte izolimi por këtu gjysma e popullatës nuk janë të aftë të bëjnë përmbysjen për të çuar vëndin në binarët e demokracisë dhe ligjit kundër korrupsionit e vjedhjes.
Të mari dinjitet e të ketë guximin të përballet kundrejt kujdo qoftë dhe Amerika.
Cfare thoni, se procedura per non grata na paska filluar ne epoken, Tramp, MASHTRIM, kete e ka sqaruar ne intervisten e tije direkt, me ze e figur, ish emisari per ballkanin i presidentit, Tramp, Grenell, icili me kompetence e siguri deklaroi se kurre nuk ka pasur nji indicje te tille.,kete ai ia dedikoi Blikenit, e zyres se tije.Mashtrimet politike qe hidhen e interpretohen sipas deshires se pushtetit soroist, Ramist, me permbajtje organike nga ishe a po bijte e pushtetit kriminel, qellimisht per ta mposhtur demokracine e themeluesin e saj, stisen me format e shpifjet e tyre kete non grate tymnaje te pa faktuar mbi ato qe ky departament shteti i ka ngritur.Kjo u duk, e dukej we ne fillimin e shpalljes, a po edhe para saj, kur krye hajni Rama deklaronte para se ti komunikohej Berishes, qe thosht se a e kalo oqeanin ti Sali, Pra, ja, kush,e nga kush e ka Berisha nofken, vetem nga hajduti, banda Sorros, korrupsioni.SE LUAN TOPI.