Tani puna i kalon Prokurorisë së FIGC-së, do të jetë e shpejtë por jo e thjeshtë dhe sigurisht që nuk do ta shuajë polemikën. Të dy Juan Jesus dhe Acerbi do të dëgjohen nga prokurori Chinè, me sa duket përmes videokonferencës. Nuk dihet saktësisht se kur: mbrojtësi i Napolit mund të japë versionin e tij të ngjarjeve që sot, më së voni të enjten, ndërsa mbrojtësi i Inter do të dëgjohet të premten.
Nga ajo që filtrohet, nuk do të ketë një takim ballë për ballë për të rindërtuar atë që ndodhi të dielën në mbrëmje në fushë në San Siro. Braziliani do të përsërisë versionin e tij, fyerjet raciste të marra në fund të ndeshjes. Një rikonstruksion në kontrast me atë të zikaltrit Acerbi, me një situatë që sigurisht nuk është e lehtë për t’u menaxhuar edhe pse, duhet të përsëritet, në kundërshtim me drejtësinë e zakonshme në atë sportive i ashtuquajturi “dyshim i arsyeshëm” lejohet edhe në formulimin e një dënimi. Por mbrojtësi i Inter mbetet i vendosur në qëndrimin se nuk ka pasur ofendime raciste nga ana e tij. Këtë ai e ripohoi edhe në përballjen e djeshme me drejtuesit e zikaltërve. Inter nuk dha asnjë deklaratë, siç dukej fillimisht, dhe pret rezultatin e punës së Prokurorisë.
Lexo më tej: E quajti zezak, Acerbi përjashtohet nga grumbullimi i kombëtares italiane: vendi u mor nga tekniku Spalletti
KEQKUPTIMI I SHPREHJES
Ndërkohë, megjithatë, sipas asaj që raporton ‘La Gazzetta dello Sport’, në përballjen e ndodhur me klubin, Acerbi ka shpjeguar arsyet e keqkuptimit (siç u shpreh ai pas kthimit nga Coverciano të hënën) nga ana e Juan Jesus. Në versionin e tij të ngjarjeve, fraza e shqiptuar nuk ishte “ti je zezak”, por “do të të bëj të zi”. Një episod shumë i rrëshqitshëm. Materiali është i gjithi para Prokurorisë, që në 48 orët e ardhshme duhet të përpiqet të sqarojë një situatë gjithnjë e më të ngatërruar e cila, përtej skualifikimit të mundshëm (të paktën 10 javë nëse konfirmohen veprat raciste) rrezikon t’i japë fund karrierës zikaltër të Acerbi para kohës.