Fyerja e supozuar raciste e drejtuar ndaj Juan Jesus i kushtoi vendin në kombëtaren italiane mbrojtësit të Inter Francesco Acerbi. Mbrojtësi i Interit arriti në grumbullimin e të kaltërve në Romë në mëngjes dhe i tha teknikut Luciano Spalletti dhe shokëve të tij të skuadrës versionin e tij të ngjarjeve, siç kërkohet nga politika e brendshme e Club Italia. Edhe pse lojtari i zikaltërve nënvizoi se nuk kishte “asnjë qëllim shpifës, denigrues apo racist”, Spalletti vendosi të përjashtojë nga lista e lojtarëve të thirrur. Kështu, Acerbi do të mungojë për ndeshjet miqësore në Shtetet e Bashkuara, duke u zëevdnësuar nga lojtari i Romës, Gianluca Mancini.
Një vendim i marrë nga Spalletti, siç raporton Federata e Futbollit, “ndërsa pritet që ajo që ka ndodhur të rikonstruktohet në përputhje me autonominë e drejtësisë sportive” dhe mbi të gjitha për të “garantuar qetësinë e nevojshme për kombëtaren dhe për vetë lojtarin”, i cili tani do të rikthehet në punë me Inter.
Lexo më tej: Juan Jesus, ndali lojën e akzuoi interistin Acerbi: “Më tha zezak”
Nga sa del, Spalletti i ka shpjeguar se nuk dyshon që Acerbi nuk është racist, por duke qenë se që kur është bërë trajner ka folur gjithmonë për vlerat, duke nderuar fanellën, sjelljen dhe shembullin, nuk mund të mos merrte masa pavarësisht ndjesës.
Ndërkohë, Kombëtarja e Italisë zhvilloi në orën 16:00 seancën e parë stërvitore në CPO Giulio Onesti në Acqua Acetosa, ndërsa nesër do të niset për në Shtetet e Bashkuara të Amerikës.
Presunto insulto a Juan Jesus, Acerbi escluso dal ritiro dell'Italia: al suo posto c'è Mancini https://t.co/j8ytsOJti6
— TUTTOmercatoWEB (@TuttoMercatoWeb) March 18, 2024