Shkrimtari dhe publicisti Fatos Lubonja thotë se sistemi kriminal në Shqipëri është thelluar. Në një intervistë në studion e News 24, Lubonja theksoi se SPAK nuk ka kthyer as përgjigje për skandalin e inceneratorëve.
“Pyetja është sesa i pavarur është SPAK. Kemi shumë të panjohura. Nuk dimë mirë raportet që ekzistojnë në SPAK, këta amerikanët që thonë se janë mbrapa, duhet të kuptojmë se ku janë pas? Çështja është e hapur dhe mund të them se ku unë anoj më shumë.
Kur Rama u bashkua me Metën, ai tha se kjo nuk është çështje personash, por sistemi. E vërteta është se këta e kanë perforcuar sistemin. Tani drejtorët marrin paratë të gjitha për vete dhe bëhet fjalë për miliona. Sistemi është i thelluar dhe kriminal. E përdorin SPAK si fasadë, që ne nuk jemi si Berisha, ne dorëzojmë të korruptuarit.
Ahmetaj është goditur më egër. Akoma nuk kemi përgjigje nga SPAK për inceneratorët. Mendoj se tek fjala e Veliajt thuhej se të arrestuarit duhet të qëndrojnë, duke iu bërë me dije se ata e kontrollojnë SPAK-un dhe do vijë një kohë që do lirohen. Te fjala e Veliajt sikur iu bëhej thirrje të arrestuarve që mos të flasin shumë”, – shprehet Lubonja.
Lubonja nënvizoi se nuk beson se SPAK është i pavarur, pasi nuk heton shumë krime.
“Gazment Bardhi bëri kallëzim për vëllanë e Edi Ramës. Menjëherë maxhoranca tha se do ngrejë padi ndaj Bardhit. Nëse ti kontrollon drejtësinë, me gjyqe false e dobëson opozitën. Nuk bindem dot që SPAK është i pavarur, sepse nuk shkon në shumë krime që po bëhen sheshit.
Krimi i organizuar pastron paratë me ndërtime dhe nuk ka shkuar këtu. Në tërësi nuk shkon tek sistemi, që ka cikël krimi që është në rreth vicioz. Përfundimi është se ne ushqehemi të gjithë nga një ekonomi kriminale, këta godasin kundërshtarët, nuk i hyjnë sistemit”, – deklaroi ndër të tjera Lubonja. /BW
Ore institucion eshte spak . Po nuk dolen njerezit ne rruge te mbeshtesin drejtesine nuk ka cfare ben spaku me gjithe kete mafie.
Dhe ne itali prokuroret e shprehnin pa filluar shoqeria civile dhe opinioni publik betejen anti mafie nuk kishin cfare te benin prokuroret se mafia shkonte deri ne rome
Nje te dale ne rruge nje te ngrene burgun.
Moterqirajt e 1945 jane prape.
Drejtesia hale qenef. Fshataret jane zoterit e ketij vendi, ta gezojne edhe per pak.
Ç’domethene fjalia: Sistemi kriminal eshte thelluar?
Duhet te kujtojme fjalet e enver hoxhes. Nuk dua ligje te rrepta dua shoqeri te shendosh.
Shshsshshshttt folu gjithollogu Lubonja. Pall trapi qe fiton leke per “opinione” qe u jep tv idiote.