Një aksident ka ndodhur mesditën e sotme në vendin e quajtur “Sofraçan”, Bulqizë. Mësohet se dy mjete janë përplasur me njëra-tjetrën, ku si pasojë ka mbetur e lënduar një pasagjere. Gjithashtu e lënduara është dërguar në spitalin e Bulqizës dhe ndodhet jashtë rrezikut për jetën.
Ndërsa të dy mjete janë dëmtuar si pasojë e goditjes së fortë. Po ashtu në vendngjarje ndodhet grupi hetimor i cili po punon për zbardhjen e shkaqeve të aksidentit. Theksojmë se për shkak të mungesës së theksuar të sinjalistikës kjo është një zonë problematike e rrugës nacionale Bulqizë-Peshkopi.