Një aksident i rëndë ka ndodhur në Tiranë. Një makinë ka dalë nga rruga në Bërxullë dhe ka përfunduar në lumin Lana. Si pasojë, drejtuesi i mjetit ka humbur jetën.
Njoftimi:
Më datë 04.05.2024, rreth orës 19:20, në Bërxullë në drejtim të Rinasit, shtetasi Xh. H., duke drejtuar automjetin dyshohet se ka humbur kontrollin mbi drejtimin e tij dhe automjeti ka dalë nga rruga, duke rënë në lumin Lana. Si pasojë shtetasi Xh. H. ka humbur jetën.
Grupi hetimor po punon për sqarimin e rrethanave të aksidentit.