Kanë dalë detaje të reja nga zjarri që ra mbrëmjen e kësaj të mërkure në spitalin rajonal të Shkodrës. Mësohet se zjarri ka rënë rreth orës 19.30 ndërsa janë shkaktuar dëme të vogla materiale. Menjëherë kanë ndërhyrë zjarrfikësit e Shkodrës duke shuar flakët dhe duke kthyer normalitetin.
“Rreth orës 19:30, në një dhomë në bodrumin e Spitalit Rajonal Shkodër ku janë të instaluara pompat e ujësjellësit ka rënë zjarr, dyshohet si pasojë e një shkëndije elektrike.
Zjarrfikësit kanë ndërhyrë menjëherë duke shuar zjarrin nga i cili ka vetëm dëme materiale. Grupi hetimor nën drejtimin e Prokurorisë po punon për zbardhjen e plotë të shkakut të rënies së zjarrit” – u tha në një reagim të policisë së Shkodrës.
Ndërsa nëndrejtori i spitalit të Shkodrës Lush Marku thotë se nuk ka rënë fare zjarr, por sipas tij ka pasur tym që ka dalë nga dhoma e paneleve diellore. Sipas tij, të gjitha shërbimet spitalore janë në punë nuk ka pasur asnjë problematikë. ©LAPSI.al
lush marku nen drejtor i spitale , turp socialista ish komunistat po e masakrojne shkodren me kuadro te neveritshm .