Hailey Bieber , e cila aktualisht është në pritje të fëmijës së saj të parë me bashkëshortin Justin Bieber, u shfaq në rrjetet sociale të mërkurën për të thirrur ndjekësit e saj që nuk e paralajmëruan për një shqetësim të zakonshëm.
“Pra, kush do më thotë diçka për dhimbjen e shpinës?”, shkroi ajo në një foto të saj në Instagram Story.
Themeluesja e Rhode Skin njoftoi shtatzëninë e saj në maj. Çifti prej shumë vitesh ndau lajmin me një video të ëmbël që tregonte ceremoninë e rinovimit të betimit të tyre në Hawaii – ku dukej dhe barku i rrumbullakosur i Hailey. Nëna e ardhshme tani është rreth shtatë muajshe shtatzënë.
Dyshja u martuan në shtator 2018. Vitin pasues, një burim i tha ET se Justin “gjithmonë donte të ishte një baba i ri”.
“Prindërit e Justin ishin të rinj kur ai erdhi në jetë,” tha burimi i ET për Pattie Mallette dhe Jeremy Bieber, të cilët të dy ishin 18 vjeç kur lindi Justin. “Ai e ka dashur gjithmonë lidhjen që kanë dhe se si është më shumë një miqësi”.