Mbrëmjen e djeshme në MRV Arena në Belo Horizonte është luajtur ndeshja mes Atletico Mineiro dhe San Lorenzo, e vlefshme për ndeshjen e kthimit të 1/8 e Copa Libertadores. Gjatë ndeshjes (1-0 për vendasit, të cilët u kualifikuan në çerekfinale falë barazimit 1-1 në ndeshjen e parë) pati momente frike, kur lojtarët e dy skuadrave patën të vjella dhe vështirësi në frymëmarrje.
SHERR NË TRIBUNA
Gjatë ndeshjes, në tribuna ka ndodhur një sherr i vërtetë mes tifozëve të dy skuadrave. Situatë që ka bërë të nevojshme edhe ndërhyrjen e policisë. Në pamundësi për të ndaluar përleshjen, oficerët e policisë përdorën gaz lotsjellës, i cili u hodh në tribunë, por u përhap edhe në fushë.
Lexo më tej: Video/ Frikë e çmenduri në Copa Libertadores: fluturojnë barrierat në fushë, Oliveira goditet nga një gur
TYMUESE NË FUSHË, NDËRPRITET NDESHJA
Nga kjo erdhi edhe shqetësimi i lojtarëve, që po vuanin nga djegia e syve, të vjellat dhe problemet e frymëmarrjes. Kushte ekstreme, të cilat bënë që arbitri i ndeshjes ta ndërpriste ndeshjen për disa minuta. Pas një pauze të shkurtër, në prani të kushteve të përshtatshme për rifillimin e lojës, ndeshja vazhdoi rregullisht deri në fishkëllimën e fundit, e cila konfirmoi fitoren dhe kalimin e Atletico Mineiro në turin tjetër të Copa Libertadores.
🚨 Uma confusão generalizada na torcida do San Lorenzo fez a partida ser paralisada. Jogadores e torcida foram atingidos pelo gás de pimenta utilizado pela polícia para conter os argentinos. pic.twitter.com/3k5SIOhmxO
— galonews.com.br (@GaloNews_) August 21, 2024