Mund ti takojë të gjithëve të ndihen nën presion, të mos kenë dëshirë të bëjnë asgjë, të mos ndihen mire me veten e të fajësojnë këdo. Mund ti ndodhë edhe futbollistëve që sapo kanë fituar Champions League, që të pakënaqur nga situata kanë vendosur të ndryshojnë ambjent për të realizuar një ëndërr, por papritur e kanë parë veten në një makth. E ka përcaktuar pikërisht kështu Álvaro Morata, duke iu referuar sezonit të fundit, i pari me fanellën e Chelsea: “Në muajin e fundit preka edhe unë fundin, isha krejt jashtë nga ku duhet të isha. Nuk kisha dëshirë as të stërvitesha as të luaja. E kasha inatin me të gjithë. Arbitra, kundërshtarë, tifozë. Nuk isha i ekuilibruar, por e kuptova dhe kërkova ndihmë”.
Sulmuesi spanjoll iu drejtua një psikologu: “Nuk është e thjeshtë, nuk duhet një jacë ose dy për ta marrë veten. Kur një futbollist dëgjon atë fjalë tërhiqet, por unë e kuptova që më duhej ndihmë”, ka zbuluar ish-lojtari i Juventus dhe Real Madrid në një intervistë për Abc. Morata ka treguar se ishte gati të largohej nga Chelsea kur e kërkoi Milan: “Në verë më shkoi mendja se ndoshta ishte më mirë të largohesha, të gjeja një skuadër me më pak presion. Mendova se kështu do gjeja lumturinë. Papritur u gjenda në një “vrimë të zezë”, i padëshiruar nga tifozët, njerëzit më takonin në rrugë dhe më thoshin të ikja nga Chelsea”.
Pastaj falë psikologut e gruas time Alice Campello, që në fund të korrikut lindi dy binjakë, gjërat ndryshuan: “Edhe ne lojtarët jemi qenie njerëzore e mund të kemi momentet tona të vështira, por tani jam kthyer të buzëqesh”.